Ölümcül “pişik virusu” sürətlə yayılır

Tarix: 22 Noyabr 2023 02:51

Son aylarda Kipri viran pişik yoluxucu peritonit (FIP) mutasiya epidemiyası bəzi məlumatlara görə bu il 300 minə qədər pişiyin həyatına son qoyub.

Milli.Az lent.az-a istinadən bildirir ki, FIP, pişik koronavirusunun (FCoV) səbəb olduğu xəstəlik, müalicə edilmədikdə çox vaxt ölümcül ola bilər.

Pişik baytar cərrahı Co Levis bildirib ki, virus xüsusilə pişiklərin bir-birinə yaxın yaşadığı yerlərdə, məsələn, heyvan sığınacaqlarında sürətlə yayılır.
 
Levisin sözlərinə görə, virus pişik darağı, pişik zibil çömçələri və hətta insanların ayaqları və əlləri vasitəsilə də keçə bilər. Bu nəzəriyyə həm də Kiprdəki epidemiyanın niyə yalnız ev pişiklərinə təsir etdiyini izah edir. 
 
Pişik təbabəti üzrə mütəxəssis, professor Daniel Qann-Mura, F-CoV-23 adlı bu yeni ştamın bir yerdə qalmaqdansa, "xüsusilə bədxassəli" olduğunu və "bütün hüceyrələrə sızdığını" söyləyib. 
 
Pişik sahiblərinə nələrə diqqət etmələri barədə xəbərdarlıq edən professor Qann-Muranın sözlərinə görə, adi əlamətlər arasında qarın şişməsi, tənəffüs problemləri və qidanın kəsilməsi daxildir. Digər tərəfdən, sarsıntı və kramplar kimi nevroloji əlamətlərə də diqqət yetirilməlidir.

Professor Qann-Mura deyib ki, FIP olduğu aşkar edilən pişiklər "xəstəliyin müalicəsində təsirli olan" və yeni ştama qarşı "yaxşı" işləyən iki antiviral COVID-19 dərmanı ilə müalicə edilə bilər.

Milli.Az