Aktual mövzular: Dollar alış-satışı, Məzənnə, Neftin qiyməti

Qazaxıstan Ermənistana silah tədarükü ilə bağlı xəbərləri YALANLADI

Tarix: 25 Noyabr 2023 07:20

Qazaxıstan Müdafiə Nazirliyi Ermənistana silah tədarükü ilə bağlı xəbərləri təkzib edib.

Milli.Az bizim media-ya istinadla xəbər verir ki, bu barədə StopFake.kz ölkənin Müdafiə Nazirliyinə istinadən məlumat yayıb.

"Ermənistanda Qazaxıstan silahlarının tədarükü ilə bağlı yayılan məlumatlar reallığa uyğun deyil. Bundan əlavə, Qazaxıstan hökuməti 2022-ci ildən bu ölkədən silah və hərbi texnikanın ixracına qadağa qoyub", - deyə məlumatda qeyd edilib.

Qeyd edək ki, bir neçə gündür sosial şəbəkələrdə və internet saytlarında Qazaxıstanın Ermənistana guya hərbi texnika tədarük etməsi ilə bağlı məlumatlar yayılıb. Belə ki, "kz-expert.info" nəşri ilkin mənbəyə istinad etmədən yazıb ki, Ermənistan Müdafiə Nazirliyinin rəhbəri Papikyan çıxışında İrəvanın Qazaxıstanı potensial hərbi təchizatçı hesab etdiyini bildirib.

Milli.Az

Whatsapp ilə göndər