Borrell İsraili tənqid edib

Tarix: 27 Noyabr 2023 21:54

Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrell İsraili işğal olunmuş ərazilərdə yeni yaşayış məntəqələri salmasına görə tənqid edib.

Sonxeber.net APA-ya istinadən xəbər verir ki, bu barədə Aİ-nin Ali Nümayəndəsi "X" hesabında paylaşım edib.

"Müharibənin ortasında İsrailin daha çox qeyri-qanuni qəsəbələr tikmək üçün yeni vəsait ayırdığını öyrənmək məni dəhşətə gətirir. Bunun özünümüdafiə ilə heç bir əlaqəsi yoxdur və bu, İsraili daha təhlükəsiz etməyəcək. Yaşayış məntəqələrinin salınması beynəlxalq humanitar hüququn ciddi şəkildə pozulmasıdır və İsrailin ən böyük təhlükəsizlik öhdəliyidir", - Borrell paylaşımında bildirib.