“Təhminəni mən oynamalı idim!”

Tarix: 6 Dekabr 2023 10:50

Əməkdar artist Mehriban Xanlarova yeni açıqlaması ilə diqqət çəkib.

Sonxeber.net olay-a istinadən xəbər verir ki, bu  barədə o, "Xəbərin var?" verilişində danışıb.

Sənətçi deyib ki, "Təhminə" filmində Meral Konrat yox, o oynamalı imiş:

"Təhminə obrazını mən oynamalıydım. Fəxrəddin Manafovdan soruşa bilərsiz. Biz Kinostudiyada otaqda məşq edirdik. Allah Rasim Ocaqova rəhmət etsin. Sonra nə oldu bilmirəm. Bir də baxdım ki, Meral Konrat oynayır. 

O məndən yaxşı oynayır? Əsl Təhminə mən idim! Sonra fikirləşdim ki, yaxşı ki, "Tələsmə, Zaur" dediyi səhnəni oynamadım. Hələ də məni qınayırdılar. Bu gün baxırlar ki, əladır. Onun oyununu bəyənmədim. Özü ilə işim yoxdur. Onu özləri dəvət elədi. Başqa kim dəvət edə bilərdi? Mən məşq edirdim. Hansı otaqda məşq etmişik, bu günə qədər yadımdadır. İndiyə qədər də səbəbi ilə maraqlanmamışam".