Aktual mövzular: Dollar alış-satışı, Neftin qiyməti, COP29, Hava proqnozu

Qarabağdakı Rusiya sülhməramlılarının taleyi həll olunur: Bakı və Moskva həll yolu axtarır

Tarix: 1 Yanvar 2024 21:51

Rusiya sülhməramlıların Qarabağda qalması ilə bağlı məsələləri Azərbaycan tərəfi ilə müzakirə edir.

Sonxeber.net lent.az-a istinadən bildirir ki, bunu Rusiya xarici işlər nazirinin müavini Mixail Qaluzin deyib.

Onun sözlərinə görə, məsələnin müzakirəsi Ermənistan rəhbərliyinin Qarabağın Azərbaycana aid olduğunu etiraf etmək qərarından sonra intensivləşib.

"Rusiya sülhməramlı kontingenti Rusiya, Azərbaycan və Ermənistan liderlərinin 2020-ci il noyabrın 9-dakı üçtərəfli bəyanatına uyğun olaraq Dağlıq Qarabağ münaqişəsi zonasında yerləşdirilib", - diplomat xatırladıb.

O qeyd edib ki, bu sənədi heç kim ləğv etməyib. "Bu, sülhməramlılarımızın bölgədə 5 il, yəni 2025 - ci ilin noyabr ayına qədər və sonra daha da uzadılması ehtimalı ilə yerləşməsini nəzərdə tutur", - Qaluzin deyib.

O, etiraf edib ki, "yer üzündə" vəziyyət Ermənistanın Qarabağla bağlı Avropa İttifağının himayəsi altında keçirilən sammitlərdə təsbit olunmuş qərarından sonra kəskin şəkildə dəyişib.

"İndi sülhməramlıların Qarabağda qalması ilə bağlı məsələlərə yalnız Azərbaycan tərəfi ilə baxılır", - diplomat vurğulayıb.

Whatsapp ilə göndər