Aktual mövzular: Dollar alış-satışı, Məzənnə, Neftin qiyməti

“Aygün Bəylərin ifa edərkən əl-qolunu oynatması bəzilərinə xoş gəlmirdi” - VİDEO

“Aygün Bəylərin ifa edərkən əl-qolunu oynatması bəzilərinə xoş gəlmirdi” - VİDEO

Tarix: 9 Yanvar 2024 09:30

"Aygün sinfə gəlirdi və elə mahnılar oxuyurdu ki, heç mən bilmirdim. Zövq alırdım ondan. Mat qalırdım ki, nə qədər istedadlı adamdır".

Milli.Az xəbər verir ki, bu sözləri Xalq artisti Arif Babayev "Xəzər axşamı" verilişinə müsahibəsində mərhum Əməkdar artist Aygün Bəylər haqda danışarkən deyib. O, həmkarının vəfatından çox kədərləndiyini bildirib:

"Tut ağacı" mahnısını ifa edəndə birtəhər olurdum. Xəstə olduğunu eşitmişdim, amma bu tezliklə vəfat etməsini gözləmirdim. Çox gözəl idi, ölənə oxşamırdı. Çox xarab oldum.

Bəzilərinə xoş gəlmirdi ki, ifa edərkən əllərini, qollarını oynadır. Deyirdim ki, ay evin yıxılmasın, onun canında musiqi var, ona görə əl-qolunu oynadır, gözlərini yumur".

Arif Babayev mərhum sənətçinin qızı Canan üçün hər bir köməkliyi etməyə hazır olduğunu da bildirib:

"Aygün xalqın sənətkarı, sevimlisi olduğu üçün hər birimiz onun övladına əlimizdən gələn hörməti etməliyik. O uşağın qulluğunda hər zaman hazıram ki, bir köməklik edim".

Mövzu ilə bağlı daha ətraflı videomaterialı təqdim edirik:

Milli.Az


Etiketlər:  Aygün Bəylərin ifa edərkən əl qolunu oynatması bəzilərinə xoş gəlmirdi VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ