Aktual mövzular: Dollar alış-satışı, Neftin qiyməti, COP29, Hava proqnozu

“Zaqreb Open”: Azərbaycanın iki güləşçisi bürünc medal qazandı

“Zaqreb Open”: Azərbaycanın iki güləşçisi bürünc medal qazandı

Tarix: 10 Yanvar 2024 23:28

Xorvatiyada keçirilən güləş üzrə "Zaqreb Open" turnirində kişilərdən ibarət Azərbaycan millisinin iki üzvü bürünc medal qazanıb.

Sonxeber.net AZƏRTAC-a istinadən bildirir ki, yarışın ilk günündə 61 kiloqram çəki dərəcəsində mübarizə aparan Əliabbas Rzazadə Puerto-Riko təmsilçisi Jozef Silvaya 4:2 hesabı ilə qalib gələrək fəxri kürsüyə yüksəlib.

Eyni çəkidə Nürəddin Novruzov israilli Daniel Popovu 7:3 hesabı ilə məğlub edərək bürünc medalın sahibi olub.

Millinin bu gün çıxış edən digər üzvləri Cəbrayıl Qadjiyev (74 kiloqram) və Arseni Djioyev (86 kiloqram) isə etimadı doğrulda bilməyiblər.

Qeyd edək ki, yanvarın 14-dək davam edəcək "Zaqreb Open" turnirində Azərbaycan ümumilikdə 26 güləşçi ilə təmsil olunur.


Etiketlər:  Zaqreb Open Azərbaycanın güləşçisi bürünc medal qazandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ