Bu meyvə xərçəng riskini azaldır - FOTO

Tarix: 15 Yanvar 2024 02:03

Təbiətin bənzərsiz hədiyyələrindən biri olan xurma şəfa mənbəyi kimi tanınır. Həkimlərin tez-tez tövsiyə etdiyi bu meyvə həzm sistemini dəstəkləyən və orqanizmi qidalandıran zəngin tərkibi ilə tanınır. Ancaq təkcə bununla deyil, tərkibindəki antioksidantlarla xərçəngə qarşı qoruyucu təsiri olduğu da sübut edilmişdir.

Milli.Az axşam.az-a istinadən xəbər verir ki, əsasən qış aylarında bol olan xurmanı hər gün yeməklə sağlamlığınızın qayğısına qalmış olacaqsınız.

Xurma təbiətin bizə təqdim etdiyi şəfalı meyvələr arasında birincilərdəndir. Həzm sağlamlığını dəstəkləyən liflə zəngin tərkibə malik olması ilə yanaşı, xərçəng əleyhinə xüsusiyyətləri ilə də diqqət çəkir.

Xurma yüksək miqdarda kalsium ehtiva edən bir meyvədir. Tərkibindəki yüksək kalsium sayəsində sümük quruluşunu gücləndirir. Skelet sisteminin sağlamlığında mühüm rol oynayır.

Tərkibində maqnezium, dəmir, C vitamini və kalsium olduğu üçün hamiləlik dövründə istehlak edilə bilən meyvələr arasındadır. Ananın sağlamlığını qorumaqla yanaşı, körpənin inkişafına da töhfə verir. Həm də hamiləlik zamanı yarana biləcək həzm problemlərinin qarşısını alır.

Antioksidant xüsusiyyətləri sayəsində immuniteti gücləndirir və xəstəliklərlə mübarizəni asanlaşdırır. Eyni zamanda tərkibindəki yüksək vitamin C immuniteti dəstəkləməyə kömək edir.

Bu lifli qida maddəsidir. Buna görə də bağırsaq sağlamlığı üçün vacib bir qidadır. Həzm sistemini tənzimləyərək qəbizliyin qarşısını alır.
Qan təzyiqini tənzimləyir və təzyiqin qəfil yüksəlməsi və azalmasının qarşısını alır.

Tərkibindəki A vitamini sayəsində göz sağlamlığını dəstəkləyir və görmə qabiliyyətini gücləndirir.

Yüksək antioksidant xüsusiyyətləri sayəsində xərçəngə qarşı qoruyucu rolunu oynayır. Bədəndə meydana gələn və ola biləcək şişlərlə mübarizə apara bilər.

Xurmanın tərkibində streslə mübarizə aparan minerallar və antioksidan maddələr var. Nəticədə stressi azaldır və xoşbəxtlik hormonunun ifrazını təmin edir.

Orqanizmdəki iltihabı aradan qaldırır və iltihabın qarşısını alır.

Xurmanın tərkibində immuniteti dəstəkləyən beta karotin var. Buna görə də bədənin müqavimətini artırır və yorğunluğun qarşısını alır.
İştah açıcı xüsusiyyətlərə malik qidadır.

Tərkibindəki antioksidant maddələr yaşlanma əleyhinə təsirə malikdir. Bu antioksidant maddələr dəri sağlamlığı üçün də çox vacibdir. Dərinin qüsurlarını aradan qaldırmağa, dərini yeniləməyə və qocalmanın təsirini azaltmağa kömək edir.

Xurmanın məlum yan təsirləri yoxdur. Ancaq hər hansı bir qidanın həddindən artıq istehlakı zərər verə bilər. Əgər cənnət meyvələrini çox istehlak etsəniz, tərkibindəki fruktoza səbəbiylə qan şəkərini artıra bilər. Bundan əlavə, həddindən artıq istehlak bağırsaq sağlamlığına mənfi təsir göstərə bilər. Xroniki xəstəlikləri olan insanlar xurma istehlakına da diqqətli olmalı, gözlənilməz təsirlərlə qarşılaşdıqda həkimlərinə müraciət etməlidirlər.

Milli.Az