Çempionlar Liqasını bu komandanın qazanmasını istəyir

Tarix: 17 Fevral 2024 06:54

Portuqaliyalı baş məşqçi Joze Mourinyo etiraf edib ki, bu ilki Çempionlar Liqasında "Real" qalib olmasını arzulayır.

"Real" Çempionlar Liqasını yenidən qazanmasını istərdim.

O cümlədən Karlo Ançelotti üçün. "Bavariya"nın, PSJ-nin bunu edə biləcəyini bilmirəm" Lent.az-ın xarici mediaya istinadla xəbərinə görə Mourinyo söyləyib.

Xatırladaq ki, bu ilin yanvarında İtaliyanın "Roma" klubu Joze Mourinyonu komandanın baş məşqçisi postundan uzaqlaşdırdığını açıqlayıb. Portuqaliyalı 2021-ci ildən İtaliya klubuna rəhbərlik edirdi. 

Mourinyo bundan əvvəl "Tottenhem", "Mançester Yunayted", "Çelsi", "Real", "İnter", "Portu", "Leyriya" və "Benfika"nı da çalışdırıb. Qeyd edək ki, Çempionlar Liqasının 2023/2024 mövsümünün 1/8 final mərhələsinin ilk oyununda "Real" "Leypsiq"ə 1:0 hesabı ilə qalib gəlib.

Milli.Az