Aktual mövzular: Dollar alış-satışı, Neftin qiyməti, COP29, Hava proqnozu

İrəvan hansı “coğrafiya” ilə AB-yə girə bilər? - Mikaelyan

Tarix: 15 Mart 2024 17:48

Ermənistan heç bir halda AB-yə üzv ola bilməz. Bu, tamamilə mümkünsüzdür. Prinsipcə, İrəvan AB üzvlüyünə namizəd statusu ala bilər. Bu statusu Ukrayna, Gürcüstan, Moldova alıb və çox güman ki, Ermənistan da alacaq.

Sonxeber.net axar.az-a istinadən bildirir ki, bunu erməni politoloq Qrant Mikaelyan deyib.

"Ancaq burada fərqləri qeyd etməyə dəyər. Moldovanın çox ciddi coğrafi arqumenti var, Moldova fiziki cəhətdən Avropada yerləşir, Avropa Birliyinə çox yaxındır. Gürcüstanın çox güclü institusional arqumenti var. Baxmayaraq ki, Tiflis Avropadan uzaqda yerləşir, lakin Gürcüstan, ən azı, tələb olunan bütün islahatları tətbiq edib. Ermənistan faktiki olaraq sırf siyasi xətt üzrə dəvət və ya namizədlik üçün müraciət etmək imkanı əldə edib. Bu da qətnamədə (AP-nin qətnaməsi - red.) qeyd olunur. Bütün bunlar KTMT ilə əlaqəlidir. Ermənistan KTMT-dən çıxsa, o zaman Rusiya İrəvanın Aİİ-yə üzvlük məsələsini qaldıracaq. Artıq Rusiya tərəfdən belə bir bəyanat eşitmişik. Moskva bu iki təşkilata ortaq paket kimi baxır", - o bildirib.

Whatsapp ilə göndər