ABŞ müsəlman qadınlara 17,5 milyon cərimə ödəyəcək

Tarix: 7 Aprel 2024 23:10

Nyu York şəhəri ABŞ vətəndaşı olan iki müsəlman qadının məhkəmə tələblərinə görə 17,5 milyon dollar ödəməyə razılaşıb.

Sonxeber.net axar.az-a istinadən xəbər verir ki, bu barədə "Röyters" məlumat yayıb.

Məlumata görə, polis onları saxladıqdan sonra hüquqlarını pozub, şəkil çəkdirməzdən əvvəl hicablarını çıxarmağa məcbur edib:

"İddia cümə günü Manhetten federal məhkəməsinə verilib və ABŞ-ın dairə hakimi Analisa Torresin təsdiqini tələb edir. Hüquqi ödənişlər çıxıldıqdan sonra ümumi ödəniş təxminən 13,1 milyon dollar olacaq. Proqramın 3600-dən çox uyğun iştirakçısı müraciət edərsə, məbləğ arta bilər. Hər bir iddiaçıya 7,824 ilə 13,125 dollar arasında vəsait ödəniləcək.

Zərərçəkənlər - Cəmilə Klark və Ərva Əzizin iddiasına görə, onlar polisin keçən il fotoşəkil çəkdirmək üçün hicablarını çıxarmağa məcbur edildikləri zaman utanc və travma hissi keçiriblər. Hər ikisi mühafizə qaydalarını pozduqlarına görə həbs ediliblər".

Qeyd olunur ki, bu yaxınlarda qəbul edilmiş qanuna görə, polis silah və ya qaçaqmal axtarışı üçün müvəqqəti olaraq hicabı ancaq eyni cinsdən olan məmurlar tərəfindən təkbətək olan halda çıxartdıra bilər. Bununla belə, 16 mart 2014-cü il və 23 avqust 2021-ci il tarixləri arasında baş örtüklərini çıxarmağa məcbur edilən şəxslərin kompensasiya almaq hüququ var.