Aktual mövzular: Dollar alış-satışı, Neftin qiyməti, COP29, Hava proqnozu

''Azərbaycanı udmağımız bir işə yaramadı'' Lobotka

''Azərbaycanı udmağımız bir işə yaramadı'' Lobotka

Tarix: 20 Noyabr 2019 13:16

"Uelsin oyunun nəticəsini sonradan öyrəndik. Ancaq bizim matçın gedişində artıq vəziyyətin ürəkaçan olmadığını hiss edirdim. Çünki Uels-də bərabərlik olsaydı, bunu tribunalardakı azarkeşlər hiss etdirərdi".

Qol.az xəbər verir ki, bu sözləri Slovakiya millisinin yarımmüdafiəçisi Stanislav Lobotka Avro-2020-nin seçmə mərhələsinin son turunda yığmamıza qalib gəldikləri oyundan (2:0) sonra yerli mətbuata açıqlamasınd deyib.

“Selta”nın futbolçusu millimiz üzərindəki qələbənin faydasız olduğunu bildirib: “Hər qələbə gözəldir. Ancaq bu qələbəmiz bir işə yaramadı. Təəssüf ki, paralel keçən görüşün nəticəsinə təsir edə bilmədik. Ancaq yenə də pley-offda bunu bacaracağımıza inanıram".

22 yaşlı futbolçu yığmamız haqda da danışıb: “İlk hissəni yaxşı keçirdik. Ancaq fasilədən sonra Azərbaycan daha yaxşı oynamağa başladı. Bir təhlükəli hücumları da oldu, az qala hesabı bərabərləşdirəcəkdilər. İkinci hissədə bir qədər irəlilədikdən sonra topu itirirdik. Bu, bizi çox yordu. Azərbaycanlı futbolçularının da özlərinə görə keyfiyyətləri var.  Xorvatlardan boş yerə xal almayıblar. Həmçinin Macarıstan və Uelsə də səfərdə əziyyət vermişdilər. Azərbaycan hörmətə layiq komandadır".
 


Etiketlər:  Azərbaycanı udmağımız işə yaramadı Lobotka


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ