Aktual mövzular: Dollar alış-satışı, Neftin qiyməti, COP29, Hava proqnozu

ABŞ-dan Tiflisə sanksiya xəbərdarlığı...

Tarix: 15 May 2024 08:04

Gürcüstan parlamentinin üçüncü oxunuşda qəbul etdiyi "Xarici təsirin şəffaflığı haqqında" qanun layihəsi indiki formada qalarsa və ölkədə demokratiyanın səviyyəsi aşağı enərsə ABŞ məhdudiyyətlər şəklində tədbirlər görəcək.

Sonxeber.net axar.az-a istinadən xəbər verir ki, bu barədə ABŞ dövlət katibinin Avropa və Avrasiya üzrə köməkçisi Ceyms Obrayen deyib.

"Əgər qanun indi olduğu kimi qalsa və AB standartlarına uyğun gəlmirsə, biz demokratiyanın zəiflədiyini və sarsıdılmasını görsək, təbii ki, ABŞ-dan müəyyən məhdudiyyətlər olacaq. İlk növbədə bu məhdudiyyətlər maliyyə məsələlərini əhatə edəcək. Digər tərəfdən, bu hərəkətlərə görə məsuliyyət daşıyan insanlar üçün səyahət məhdudiyyətləri olacaq", - deyə Obrayen bildirib.

O, həmçinin vurğulayıb ki, qanun AB standartlarına və normalarına cavab verməsə və ABŞ və Qərbə qarşı sərt ritorika davam edərsə, təbii ki, bu, tərəfdaşlıq üçün təhlükəli və riskli olacaq.

Whatsapp ilə göndər