Məqsədli nikahların qarşısı alınacaq

Tarix: 3 Iyun 2024 15:28

"Təcrübədə saxta nikahlara, hansısa miqrasiyanın tələblərindən qaçmaq üçün nikaha daxil olurlar. Məqsədli nikahla əlaqəli yeni layihə üzərində işlənilir. Bir neçə ölkənin təcrübəsinə baxılıb".

Sonxeber.net qafqazinfo-ya istinadən xəbər verir ki, bunu Milli Məclisdə keçirilən komitə iclasında Dövlət Miqrasiya Xidmətinin Miqrasiya siyasəti və hüquqi təminat Baş İdarəsinin Hüquqi təminat idarəsinin rəisi Nizami Quliyev deyib.

O bildirib ki, artıq şəxs nikaha daxil olduğu halda onun məqsədinin nə olduğunu və nikahının dəqiqliyini yoxlaya biləcəklər:

"Çünki məqsədi ortaya çıxarmaq ağır prosesdir. Hazırda məqsədli nikahları ancaq müraciətlər əsasında müəyyən edə bilirik. Yeni hazırlanacaq layihədə bütün bu məsələlər nəzərdə tutulub".