Aktual mövzular: Dollar alış-satışı, Neftin qiyməti, COP29, Hava proqnozu

Ötən ayın ən güclü smartfonları müəyyən edildi - FOTO

Tarix: 6 Iyun 2024 10:52

"AnTuTu" bençmarkının tərtibatçıları beynəlxalq bazarda mövcud olan "Android" smartfonlarının may ayı üzrə reytinqini dərc ediblər.

Milli.Az oxu.az-a istinadən bildirir ki, yeni qlobal reytinqin lideri "Snapdragon 8 Gen 3" flaqman çipi əsasında hazırlanmış "Asus ROG Phone 8 Pro" oyun smartfonu olub ki, onun AnTuTu bençmarkında 100 min test əsasında orta balı 2,11 milyon bal təşkil edib. Ondan sonra geymer smartfonu "Red Magic 9 Pro" (2,07 milyon) və "iQOO 12" (2,03 milyon) gəlir. Üstəlik, "Snapdragon 8 Gen 3", biri istisna olmaqla, bütün smartfonların səmərəli işinə cavabdehdir.

Dördüncü yerdən altıncı yerə "Xiaomi 14 Ultra" (1,95 milyon), "Xiaomi 14" (1,93 milyon) və "OnePlus 12" (1,84 milyon) qərarlaşıblar. Yeddinci yeri bençmarkda orta balı 1,79 milyon bal təşkil edən flaqman "Samsung Galaxy S24 Ultra", səkkizinci yeri isə "Honor Magic6 Pro" (1,62 milyon) tutub.

Əsas zirvəni xüsusi "Exynos 2400" çipi ilə "Samsung Galaxy S24+" (1,61 milyon) və "iQOO Neo9" (1,59 milyon) tamamlayır.

Milli.Az