Aktual mövzular: Dollar alış-satışı, Neftin qiyməti, COP29, Hava proqnozu

Lavrovun müavini: Qərb Ermənistandan bu ölkələrə qarşı hibrid müharibə aləti kimi istifadə edir

Lavrovun müavini: Qərb Ermənistandan bu ölkələrə qarşı hibrid müharibə aləti kimi istifadə edir

Tarix: 18 Iyun 2024 14:54

Vaşinqton və Brüssel postsovet ölkələrinə böyük təzyiq göstərir, onların Rusiya ilə qarşılıqlı əlaqələrini məhdudlaşdırmağa çalışır.

Milli.Az APA-ya istinadən bildirir ki, bunu "Komsomolskaya Pravda" qəzetinə müsahibəsində Rusiya xarici işlər nazirinin müavini Mixail Qaluzin deyib.

Onun sözlərinə görə, buna ən yaxşı nümunə Ukraynadır.

Qaluzin Ermənistanla münasibətlərə də toxunub:

"Biz Ermənistanla əlaqələri səmimiyyətlə qiymətləndiririk, onları qarşılıqlı hörmət və qarşılıqlı faydalı şəkildə qurmağa çalışırıq", - deyə rusiyalı diplomat bildirib.

O hesab edir ki, Qərb əksinə, "Ermənistandan Rusiya və Cənubi Qafqaz ölkələrinə qarşı hibrid müharibə aləti kimi istifadə etməyə" çalışır.

Rusiya xarici işlər nazirinin müavini KTMT haqqında da danışıb və qeyd edib ki, Ermənistanın təhlükəsizliyini təmin etmək üçün başqa effektiv alternativ mexanizm yoxdur.

"İrəvanın KTMT-nin işində tam şəkildə iştirakı erməni xalqının istəklərinə uyğundur və Cənubi Qafqazda sülhün və sabitliyin qorunması işinə xidmət edir", - deyə rusiyalı diplomat qeyd edib.

Milli.Az


Etiketlər:  Lavrovun müavini Qərb Ermənistandan ölkələrə qarşı hibrid müharibə aləti kimi istifadə edir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ