Samira efirlərə niyə ÇIXMIR? - Səbəbini özü AÇIQLADI

Tarix: 29 Iyun 2024 07:30

"Hər bir insan öz qabında olmalıdır".

Sonxeber.net yenicag.az-a istinadla xəbər verir ki, bu sözləri müğənni Samira Allahverdiyeva "7 tamam" verilişində deyib.

Uzun müddətdir ki efirlərdən uzaq düşən müğənni "Niyə bu qədər fasilə vermişdiniz?" sualını cavablandırıb:

"İndi dövr dəyişib, hər şey fərqlidir. 10-15 il əvvəl klip təqdimatları olurdu, biz həvəslə o təqdimatlara qatılmağa necə can atırdıq. Amma indi başa düşürük ki, dövr tamam başqadır. Zamanla hər şey dəyişir, amma çərçivəni aşmamaq lazımdır. Əgər mən hansısa verilişə gedirəmsə və o veriliş, tutalım, mənim formatıma uyğun deyilsə, aparıcı, eləcə də qonaqlarla həmsöhbət ola bilməyəcəyəmsə, getmirəm.

Amma efirə çıxmasaq da, işimizdə-gücümüzdəyik. Yenə də mahnılarımızı yazdırırıq, oxuyuruq".