Aktual mövzular: Dollar alış-satışı, Məzənnə, Neftin qiyməti

Azərbaycan Qazaxıstanda keçiriləcək beynəlxalq konfransda təmsil olunacaq

Azərbaycan Qazaxıstanda keçiriləcək beynəlxalq konfransda təmsil olunacaq

Tarix: 26 Noyabr 2019 15:12

Bakı. Elçin Mehdiyev - Trend:

Milli Məclisin Qazaxıstanla parlamentlərarası əlaqələr üzrə işçi qrupun rəhbəri Adil Əliyev və deputat Naqif Həmzəyev “Prezidentlik İnstitutu: Qazaxıstan modeli” mövzusunda keçiriləcək beynəlxalq konfransda, iştirak etmək üçün noyabrın 26-da Qazaxıstanın paytaxtı Nur-Sultan şəhərinə səfərə gediblər.

Trend-in məlumatına görə, millət vəkili Adil Əliyev konfransda Qazaxıstanda prezidentlik institutunun yaradılması, ölkənin birinci prezidenti – Nursultan Nazarbayevin Qazaxıstan dövlətçiliyinin möhkəmləndirilməsində, parlamentarizm ənənələrinin yaradılmasında və inkişafında roluna həsr olunmuş müzakirələrə qatılacaq.

Deputat Naqif Həmzəyev tədbir çərçivəsində Türk dünyası gənc parlamentarilərinin “Gənclərin dəyəri və parlament həmrəyliyi” mövzusunda keçiriləcək birinci toplantısında iştirak edəcək. Tədbirin əsas məqsədlərindən biri TÜRK PA çərçivəsində gənc parlamentarilərin mütəmadi əməkdaşlıq platformasına dair fikir mübadiləsi aparmaqdır.

Səfər noyabrın 28-də başa çatacaq.


Etiketlər:  Azərbaycan Qazaxıstanda keçiriləcək beynəlxalq konfransda təmsil olunacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ