Aktual mövzular: Dollar alış-satışı, Neftin qiyməti, COP29, Hava proqnozu

Keytin ''Titanik'' filmində batan paltosu rekord qiymətə satılacaq

Tarix: 21 Iyul 2024 06:06

1997-ci ildə məşhur "Titanik" filmində Keyt Uinsletin oynadığı Rouz Dyuitt Byukeyterin geyindiyi palto hərracda rekord qiymətə satışa çıxarılacaq.

Sonxeber.net oxu.az-a istinadən bildirir ki, "Batan palto" kimi tanınan rekvizitin əsas "Entertainment Memorabilia" auksionunda 125-250 min dollar (212.5-425 min manat) arasında qiymətə satılacağı gözlənilir. Tədbir "PropStore" tərəfindən təşkil olunacaq və avqustun 15-dən 18-dək baş tutacaq.

Maraqlıdır ki, geyim dizaynerləri çəkiliş üçün paltonun bir neçə variantını hazırlayıblar, çünki paltarın suya düşdüyü səhnələri bir neçə dəfə çəkmək lazım gəlib. Bu paltonun iki versiyası əvvəllər müxtəlif auksionlarda satılıb: birincisi 2019-cu ildə "GWS" auksionunda 270 min dollara, ikincisi isə 2023-cü ildə "Goldin" auksionunda 110 min 400 dollara satılıb.