Aktual mövzular: Dollar alış-satışı, Neftin qiyməti, COP29, Hava proqnozu

Rusiyadakı qanunsuz miqrantların sayı açıqlandı - Siyahıda Azərbaycan da var

Tarix: 19 Sentyabr 2024 14:24

"Rusiyada hazırda qanunsuz miqrantların sayı təqribən 739 min nəfərdir".

Sonxeber.net qafqazinfo-ya istinadən xəbər verir ki, bunu "Kommersant"a müsahibəsində Rusiyanın daxili işlər nazirinin birinci müavini Aleksandr Qorovoy deyib.

Onun sözlərinə görə, ölkədəki qanunsuz miqrantlar əsas olaraq Özbəkistan, Tacikistan, Azərbaycan, Qırğızıstan və Ermənistan vətəndaşlarıdır.

Qorovoy, həmçinin Rusiyadakı xarici vətəndaşların sayını açıqlayıb: "Hazırda ölkəmizdə xarici vətəndaşlığı olan 6 milyon 174 min şəxs var. Rusiyada olan vətəndaşlarının sayına görə ilk onluğa Özbəkistan, Tacikistan, Qırğızıstan, Belarus, Ukrayna, Ermənistan, Azərbaycan, Qazaxıstan, Çin və Türkmənistan daxildir. Ölkələr azalan ardıcıllıqla qeyd olunub".

Nazir müavini əlavə edib ki, ilin əvvəlindən Rusiyaya 7,5 milyona yaxın xarici vətəndaş gəlib, 6 milyon 800 min əcnəbi vətəndaş isə ölkədən gedib.