Aktual mövzular: Dollar alış-satışı, Neftin qiyməti, COP29, Hava proqnozu

Dənizdən Sədəfin meyiti tapıldı: xalçaya bükülüb, ayaqları zəncirlənərək... - FOTO

Tarix: 3 Noyabr 2024 13:50

İstanbulun Büyükçekmece rayonunda dənizdən xalıya bükülmüş meyit tapılıb.

Sonxeber.net titul.az-a istinadən xəbər verir ki, araşdırma zamanı cəsədin 24 yaşlı Sədəf Gülərə məxsus olduğu məlum olub. Gənc qadının əllərinin "skoç"la, ayaqlarının isə zəncirlənərək qantellərə bağlandığı ortaya çıxıb.

Faktla bağlı dərhal araşdırmalara başlayan İstanbul polisi isti izlərlə hadisəni törətməkdə şübhəli bilinən iki nəfəri müəyyən edib.

Saxlanılan Yavuz Güngör və Fırat Baykara ilkin ifadələrində hər şeyi etiraf ediblər. Onlar Sədəfi Memar Sinan Körpüsündən dənizə atdıqlarını bildiriblər.

Cinayət işi açılıb, araşdırma davam etdirilir.