Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanlı və qazax qardaşlarımıza dəstəyə hazırıq - Türkiyə XİN

Azərbaycanlı və qazax qardaşlarımıza dəstəyə hazırıq - Türkiyə XİN

Tarix: 25 Dekabr 2024 13:39

Bu gün səhər saatlarında Bakıdan Qroznıya uçan sərnişin təyyarəsinin Qazaxıstanın Aktau şəhəri yaxınlığında qəzaya uğraması bizi çox kədərləndirdi.

Sonxeber.net xəbər verir ki,bu barədə Türkiyə Xarici İşlər Nazirliyinin "X" sosial media hesabında qeyd edilib.

"Bu faciəvi qəzada həyatını itirənlərə Allahdan rəhmət, ailələrinə başsağlığı verir, yaralananlara isə tezliklə şəfa diləyirik.Bu ağır günlərdə azərbaycanlı və qazax qardaşlarımıza hər cür dəstəyi verməyə hazırıq", - deyə bildirilib.

Xatırladaq ki, bu gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Qazaxıstanın Nəqliyyat Nazirliyindən bildirilib ki, Aktau şəhərində qəzaya uğrayan təyyarənin göyərtəsində 37 Azərbaycan vətəndaşı olub.

"İlkin məlumatlara görə, təyyarənin göyərtəsində 37 Azərbaycan, 6 Qazaxıstan, 3 Qırğızıstan, 16 Rusiya vətəndaşı olub", - deyə Nazirliyin məlumatında bildirilir.

AZAL-dan bildirilib ki, Aktau şəhərində qəzaya uğrayan Bakı-Qroznı reysini yerinə yetirən "Embraer 190" təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub.


Etiketlər:  Azərbaycanlı qazax qardaşlarımıza dəstəyə hazırıq Türkiyə XİN


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ