Kənd təsərrüfatı naziri vəzifəsini itirdi - havaya atəş açıbmış - Xorvatiyada

Tarix: 19 Yanvar 2025 12:10

Xorvatiya Baş nazirinin müavini və kənd təsərrüfatı naziri Josip Dabro istefa verib.

Sonxeber.net xəbər verir ki, Josip Dabro bu barədə "Facebbook"da paylaşım edib.

Qeyd edək ki, dünən sağ yönümlü Vətən Hərəkatı Partiyasından hökumətdə təmsil olunan 42 yaşlı Josip Dabronun musiqi dinləyərkən hərəkətdə olan avtomobilin pəncərəsindən tapança ilə atəş açdığını əks etdirən görüntü yayılıb. Xorvatiya hökuməti inun davranışlarını davranışını "uyğunsuz və məsuliyyətsiz" adlandırıb.

Josip Dabro paylaşımında bildirib ki, onun şəxsi vəziyyəti hökuməti və nazirliyi prioritetlərindən yayındırmamalı və ya zəruri islahatları gecikdirməməlidir. Sabiq nazir istefa məktubunda hökuməti də işini davam etdirməyə çağırıb.

Baş verənlərə baxmayaraq Vətən Hərəkatı Partiyasının lideri İvan Penava hakim koalisiyada təmsilçiliklərini davam etdirəcəyini açıqlayıb./APA