Dövlətə məxsus bir sıra nəqliyyat vasitələri, texnika və qoşqular satışa çıxarılır

Tarix: 4 Aprel 2025 08:04

İqtisadiyyat Nazirliyi yanında Əmlak Məsələləri Dövlət Xidməti tərəfindən 22 və 24 aprel tarixlərində keçiriləcək hərraclara ümumilikdə 76 nəqliyyat vasitəsi, texnika və qoşqular çıxarılıb.

Bu barədə Sonxeber.net dövlət xidmətinə istinadən xəbər verir.

Məlumata görə, 22 aprel tarixində keçiriləcək hərraca 64 nəqliyyat vasitəsi, 5 texnika və 5 qoşqu çıxarılıb.

Avtomobillərin buraxılış tarixləri 1983-2018-ci illəri əhatə edir.

24 aprel tarixində keçiriləcək hərraca 1 lot üzrə 12 nəqliyyat vasitəsi çıxarılıb. Alman istehsalı olan avtomobillərin buraxılış tarixləri 2013-2014-cü illəri əhatə edir.

Hərraca çıxarılan dövlət əmlaklarının tam siyahısı ilə https://clck.ru/33TqtH linki vasitəsilə tanış olmaq olar.

İştirak etmək istəyənlər "www.emlak.gov.az" və "www.auksion.gov.az" internet saytlarından hərraca çıxarılan əmlaklar üzrə seçim edə bilərlər.