“Qarabağ”a rəqib olan “İmişli”nin paylaşımı güldürdü - VİDEO

Tarix: 30 Oktyabr 2025 16:14

Azərbaycan Premyer Liqasında mübarizə aparan "İmişli" klubunun paylaşımı maraqla qarşılanıb.

Sonxeber.net xəbər verir ki, klub rəsmi instaqram hesabında özləri ilə bağlı sarkazmlı video paylaşıb.

Paylaşımda iki foto yer alıb. Pələng şəklinin qarşısına "Qələbədən sonra növbəti oyuna hazırlaşan biz", eyni rənglərdə olan biskvit fotosunun qarşısına isə "Rəqibimizin "Qarabağ" olduğunu yadımıza salanda", - sözləri yazılıb.

Bu da sosial şəbəkədə geniş müzakirələrə səbəb olub. Bəzi istifadəçilər bunun gülməli olduğunu, digərləri isə klubun özünə hörmətsizlik etdiyini bildiriblər.

Qeyd edək ki, "İmişli" Premyer Liqanın 10-cu turunda "Qarabağ"ın qonağı olacaq. Görüş 31 oktyabr saat 17:00-da "Azərsun Arena"da baş tutacaq.

Sözügedən paylaşımı təqdim edirik: