Aktual mövzular: Dollar alış-satışı, Neftin qiyməti, COP29, Hava proqnozu

Bakı metrosunda gənc oğlan relslərin üzərinə yıxılıb

Tarix: 15 Dekabr 2019 13:56

Bakıda metroda gənc oğlan relslərin üzərinə yıxılıb.

Sonxeber.net Trend-ə istinadən bildirir ki, hadisə metronun "Azadlıq prospekti" stansiyasında baş verib. 1999-cu il təvəllüdlü oğlan müvazinətini itirərək stansiya yoluna yıxılıb.

"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib ki, hadisə səhər saat 08:33 radələrində baş verib:

"1999-cu il təvəllüdlü O.E adlı oğlan anidən stansiya yoluna yıxılıb. Dərhal xətlərdəki gərginlik dayandırılıb. Sərnişin stansiya yolundan çıxarılıb. Əməkdaşlar təcili tibbi yardım çağırıb. Gənc həkimlərə epilepsiya xəstəsi olduğunu deyib. İlkin yardım göstərildikdən sonra, gənc sərnişin özünü yaxşı hiss etdiyini deyib və yoluna davam edib".

B.Məmmədov baş verən hadisənin qatarların intervalına təsir etmədiyini vurğulayıb.

Sonxeber.net

Whatsapp ilə göndər