Aktual mövzular: Dollar alış-satışı, Neftin qiyməti, COP29, Hava proqnozu

“Mançester Siti” 2 topluq üstünlüyü əldən verərək uduzdu

Tarix: 28 Dekabr 2019 07:36

İngiltərə Premyer Liqasında XIX tur başa çatıb.

Sonxeber.net apasport.az-a istinadən bildirir ki, turun son oyun günündə bir matç keçirilib.

Son çempion "Mançester Siti" səfərdə "Vulverhempton"la görüşüb. Matç qonaqlar üçün uğursuz başlayıb.

12-ci dəqiqədə mançesterlilərin qapıçısı Ederson sonuncu ümid foluna görə qırmızı vərəqə ilə cəzalanıb. Digər qapıçı Klaudio Bravo komandanın aparıcı futbolçularından olan Serxio Aqueronu əvəzləyərək meydana daxil olub.

Hissənin ortalarında Rahim Sterlinq penaltini qaçırıb. Lakin hakim zərbənin təkrarlanmasını istəyib. Sterlinq bu dəfə də dəqiq olmayıb. Amma o, təkrar toxunuşla hesabı açıb.

Fasilədən sonra Rahim dublunu rəsmiləşdirib. Bu qoldan az sonra meydan sahibləri fərqi minimuma endiriblər. Matçın sonlarında daha iki qol vuran "Vulverhempton" əzmkar qələbə qazanıb.

Qeyd edək ki, növbəti turun oyunları dekabrın 28-29-da keçiriləcək.

İngiltərə Premyer Liqası
XIX tur
27 dekabr
"Vulverhempton" - "Mançester Siti" - 3:2
Traore, 55, Ximenes, 82, Doherti, 89 - Sterlinq, 25, 50

Liverpul