Tramp generala hirsləndi - Putinin zəngini ondan gizlədib

Tarix: 4 Yanvar 2020 10:18

ABŞ prezidenti Donald Tramp 2017-ci ildə Pentaqonun Kəşfiyyat İdarəsinin direktoru Maykl Flinni və Ağ Evin yüksək vəzifəli əməkdaşlarını Rusiya lideri Vladimir Putinin zəngi barədə ona məlumat vermədikləri üçün danlayıb.

RİA "Novosti"nin məlumatına əsasən, bu barədə Piter Berqenin "Tramp və onun generalları: xaosun dəyəri" adlı yeni kitabında deyilir.

Berqen mənbələrə istinadən xəbər verir ki, 27 yanvar 2017-ci il tarixində seçkilərdə qalib gələn Tramp Böyük Britaniyanın Baş naziri Tereza Mey ilə Ağ Evdə nahar edib. Mey Trampdan Putinin ona zəng vurub-vurmadığını soruşub. Cavabında isə ABŞ lideri başını bulayıb. Bu zaman prezidentin yanında duran Flinn ona tərəf əyilib və Rusiya liderinin bir neçə gün əvvəl zəng etdiyini bildirib.

Sonxeber.net oxu.az-a istinadən bildirir ki, bu cavabdan kefi korlanan Tramp Flinni və Ağ Evin digər əməkdaşlarını acılayıb.

"Zarafat edirsən? Vladimir Putin mənə zəng etməyə çalışıb, sən isə mənə ötürməmisən (dəstəyi - red.)? Fikrin harada idi?" - kitabda Trampın sözləri verilir.