Bakıda avtobuslar TOQQUŞDU: Xəsarət alanlar var - ADLAR - YENİLƏNİB- FOTO

Tarix: 30 Yanvar 2020 16:18

16:17

Bakıda avtobus qəzasında xəsarət alan 4 nəfər Kliniki Tibbi Mərkəzə yerləşdirilib.

Sonxeber.net Trend-ə istinadən bildirir ki, hadisə nəticəsində xəsarət alan 3 nəfər-1970-ci il təvəllüdlü Quliyev İbrahim İnqilab oğlu, 1961-ci il təvəllüdlü Hacıyev İsaxan İbrahim oğlu və 1970-ci il təvəllüdlü Seyfullayev Qaraş Mirzəxan oğlu mərkəzin reanimasiya şöbəsinə, 1 nəfər isə travmatologiya şöbəsinə qəbul ediliblər. Hazırda xəstələrin vəziyyəti ağır qiymətləndirilir.

Qeyd edək ki, bir qədər əvvəl paytaxtın Binəqədi rayonu, Ziya Bünyadov prospektində iki sərnişin avtobusunun iştirakı ilə zəncirvari yol-nəqliyyat hadisəsi baş verib.

3-cü mikrorayon dairəsi istiqamətində hərəkət edən (90 LF 973 Dövlət Qeydiyyat Nişanlı) minik avtomobilin sürücüsünün qəfil əyləci sıxması nəticəsində minik avtomobilin arxası ilə hərəkətdə olan "İ-Qafqaz" şirkətinin müvəqqəti istismarında olan 211 nömrəli marşrut xətti üzrə sərnişin avtobusu (10 TG 263 Dövləq Qeydiyyat Nişanlı) avtomobillə toqquşub. Eyni istiqamətdə hərəkətdə olan Xaliq Faiqoğlu şirkətinin müvəqqəti istismarında olan 85 nömrəli marşrut xətti üzrə sərnişin avtobusu (99 JP 595 Dövlət Qeydiyyat Nişanlı) isə 211 nömrəli avtobusa dəyib. Hadisə nəticəsində sərnişinlər arasında xəsarət alanlar olub.

----------

15:45

Ziya Bünyadov prospektində iki sərnişin avtobusunun iştirakı ilə zəncirvari yol-nəqliyyat hadisəsi baş verib.

Bakı Nəqliyyat Agentliyindən Sonxeber.net-a verilən məlumata görə, qəzaya səbəb 3-cü mikrorayon dairəsi istiqamətində hərəkət edən (90 LF 973 Dövlət Qeydiyyat Nişanlı) minik avtomobilin sürücüsünün qəfil əyləcə basması olub. Bu zaman minik avtomobilin arxası ilə hərəkətdə olan "İ-Qafqaz" şirkətinin müvəqqəti istismarında olan 211 nömrəli marşrut xətti üzrə sərnişin avtobusu (10 TG 263 Dövləq Qeydiyyat Nişanlı) avtomobillə toqquşub. Eyni istiqamətdə hərəkətdə olan Xaliq Faiqoğlu şirkətinin müvəqqəti istismarında olan 85 nömrəli marşrut xətti üzrə sərnişin avtobusu (99 JP 595 Dövlət Qeydiyyat Nişanlı) isə 211 nömrəli avtobusa dəyib.

Qəza nəticəsində hər iki avtobusda olan sərnişlərdən bəziləri xəsarət alıb.

Qeyd edilən qəza bir daha onu göstərir ki, hələ də əksər daşıyıcılara aid avtobus sürücülərinin peşəkarlığı qənaətbəxş deyil. Buna da səbəb daşıyıcıların sürücü heyəti ilə əmək münasibətlərini düzgün və qanunvericiliyin tələbinə uyğun qurmaması, nəticədə qeyri-peşəkar şəxslərin sürücü kimi işə cəlb olunmasıdır. Bir daha daşıyıcılara bildiririk ki, müntəzəm marşrutlar üzrə sərnişindaşıma fəaliyyətini həyata keçirərkən təhlükəsizliyin təmin edilməsi məqsədi ilə mövcud qanunvericiliyin və Bakı Nəqliyyat Agentliyinin tələblərinə ciddi riayət olunmalıdır. Sərnişinlərin rahatlığı və təhlükəsizliyi mühüm əhəmiyyət kəsb etdiyinə görə bu qaydalara əməl etməyən daşıyıcıların müvəqqəti istismarında olan xətlər müsabiqəyə çıxarılmaqla onlarla bağlanan müqaviləyə xitam veriləcək.