Aktual mövzular: Dollar alış-satışı, Neftin qiyməti, COP29, Hava proqnozu
Tarix: 11 Fevral 2020 08:20
İspaniya La Liqasının XXIII turunda "Betis"lə oyun "Barselona"nın kapitanı Lionel Messi üçün daha bir məqamla yaddaqalan olub.
Sonxeber.net apasport.az-a istinadən bildirir ki, Argentina millisinin üzvü bir neçə epizodda aldadıcı fəndlərdən istifadə edərək cari mövsümdəki uğurlu driblinq sayını 100-ə çatdırıb.
32 yaşlı hücumçu bununla ardıcıl 10-cu mövsümündə 100 uğurlu driblinq səddinə çatıb. Bu baxımdan Leo son 10 il ərzində "böyük beşlik" ölkələri çempionatlarına başçılıq edir. Onun ən yaxın izləyicisi "Real"ın futbolçusu Eden Azardır. Belçikalı hücumçu 6 mövsüm bu saya çata bilib. Siyahıda sonrakı yerləri "Kristal Pelas"ın hücumçusu Vilfrid Zaha (5 mövsüm) və PSJ-nin aparıcı oyunçusu Neymar (4 mövsüm) tutur.
Qeyd edək ki, Lionel Messinin 3 məhsuldar ötürmə verdiyi qarşılaşmada "Barselona" "Betis"i 3:2 hesabı ilə məğlub edib.