Xiaomi Black Shark 3 dünya birincisi oldu - VİDEO

Tarix: 8 Mart 2020 22:40

Xiaomi-nin yeni smartfonu rəsmi təqdimatdan öncə digər smartfonları üstələyərək, dünya rekordu qırıb.

Sonxeber.net ted.az-a istinadən bildirir ki, Xiaomi Black Shark 3 smartfonu AnTuTu-da (cihazların məhsuldarlığını qiymətləndirən proqram) 620 952 bal toplayaraq dünya birincisi olub.

Məlumat üçün bildirək ki, Xiaomi şirkəti tərəfindən bu gün Black Shark 3 smartfonunun təqdimat mərasimi keçiriləcək.

Black Shark 3 oyun smartfonudur. Cihaz oyun həvəskarlarının maksimal rahatlığını təmin etmək üçün qabaqcıl avadanlıqla təchiz edilib.

Xiaomi Black Shark 3 Qualcomm Snapdragon 865 prosessoru, 12 GB operativ, 512 GB fləş yaddaş, 4720 mAs. batareya, 3120×1440 piksel qətnaməli ekrana malikdir. Smartfonun proqram təminatı Android 10-dur.

Qeyd edək ki, cihaz həm də 5G modemi ilə təchiz olunub. Qacetin qiyməti və digər özünəməxsus xüsusiyyətləri rəsmi təqdimat zamanı nümayiş etdiriləcək.