Aktual mövzular: Dollar alış-satışı, Neftin qiyməti, COP29, Hava proqnozu

Məhkəmə iki Pakistan vətəndaşının ABŞ-a ekstradisiyası barədə qərar verdi

Tarix: 12 Mart 2020 18:27

Bakı. Samir Əli - Trend:

Bu gün Bakı Ağır Cinayətlər Məhkəməsində dələduzluq və oğurluqda təqsirləndirilən Pakistan vətəndaşları - Asif Muhammad Anjum və Khani Shah Navazın işi üzrə məhkəmə prosesi keçirilib.

Trend-in məlumatına görə, hakim Əli Məmmədovun sədrliyi ilə keçirilən prosesdə Ədliyyə Nazirliyinin həmin şəxslərin ekstradisiyası ilə bağlı verdiyi təqdimata baxılıb.

Məhkəmənini qərarı ilə təqdimat təmin edilib və hər iki şəxsin ABŞ-a təhvil verilməsi barədə qərar çıxarılıb.

Qeyd edək ki, Pakistan vətəndaşları haqqında ABŞ-ın Nyu York ştatının Ali Məhkəməsinin qərarı var. Onlar şəxsi məlumatların ələ keçirilməsi, dələduzluq, oğurluq kimi əməlləri törətməkdə ittiham edilirlər.

ABŞ tərəfindən beynəlxalq axtarışa verilən 1982-ci il təvəllüdlü Asif Muhammad Anjum və 1985-ci il təvəllüdlü Khani Shah Navaz bir neçə ay əvvəl Azərbaycanda saxlanılıblar.

Whatsapp ilə göndər