Aktual mövzular: Dollar alış-satışı, Neftin qiyməti, COP29, Hava proqnozu

“iPhone SE 2” smartfonunun təqdimatı ləğv edilib

“iPhone SE 2” smartfonunun təqdimatı ləğv edilib

Tarix: 14 Mart 2020 07:44

"Apple" korporasiyası martda keçirilməsi planlaşdırılan yeni "iPhone SE 2" smartfonunun təqdimat mərasimini ləğv edib. Bu barədə "Forbes" nəşrinin məlumatında deyilir.

Milli.Az ictnews.az-a istinadən bildirir ki, nəşrin məlumatına görə, tədbirin ləğvinə iki amil təsir göstərib. Birincisi, "COVID-19" pnevmoniyasının yayılması ilə əlaqədar "Apple" smartfonlar üçün komponentlərin tədarükündə problemlərlə üzləşib. İkincisi, şirkətin mənzil-qərargahının yerləşdiyi və təqdimatın keçiriləcəyi Santa-Klara dairəsinin hakimiyyəti kütləvi tədbirlərin təşkilini qadağan edib. Təqdimatda min nəfərin iştirakı gözlənilib.

Bildirilir ki, şirkət yeni qurğuların nümayişini rəsmən açıqlamasa da, adətən belə qurğular onlar haqqında məlumatların verildiyi mətbuat konfransı ilə müşayiət olunur. "iPhone SE 2" ilə birlikdə yeni "iPad Pro" planşetlərinin nümayişi nəzərdə tutulmuşdu. Nəticədə şirkət onlayn translyasiya təşkil edə və ya yeni qurğular haqqında informasiyanın yer aldığı press-reliz dərc edə bilər.

Milli.Az


Etiketlər:  iPhone smartfonunun təqdimatı ləğv edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ