Aktual mövzular: Dollar alış-satışı, Neftin qiyməti, COP29, Hava proqnozu
Tarix: 24 Mart 2020 21:12
Məşhur müğənnilər koronavirusa görə canlı yayım vasitəsilə konsert verirlər.
Sonxeber.net ted.az-a istinadən bildirir ki, konsertlər Ümumdünya Səhiyyə Təşkilatı və Qlobal Vətəndaş Xeyriyyə Festivalı tərəfindən keçirilən "Together, Home" (Birlikdə, evdə) aksiyası çərçivəsində təşkil olunur.
Aksiyanın ilk iştirakçısı Coldplay rok qrupunun solisti Kris Martin olub.
"Karantinə daha ciddi yanaşmalıyıq. Xahiş edirəm, evlərinizi tərk etməyin. Virusa qalib gəlməliyik!", - deyə ifaçı bildirib.
Aksiyaya qoşulan ikinci müğənni isə Con Legend olub. O, İnstaqram hesabında 1 saatlıq canlı yayım edərək istifadəçiləri ruhlandırmağa çalışıb.
"Bütün konsertlər ləğv olunsa da, musiqi bizi birləşdirir, məhz buna görə buradayıq. Birlikdə, evdə", - müğənni canlı yayımda qeyd edib.
Məlumat üçün bildirək ki, aksiyanın iştirakçı sayı artmaqdadır. "Together At Home"a qoşulacaq müğənnilər sırasında Ariana Grande, Demi Lovato və Rita Ora kimi bir çox məşhur yer alıb. Aksiyanın təşkilatçıları aprelin sonuna qədər əldə olunan vəsaiti koronavirusla mübarizəyə yatırmağı planlaşdırırlar.