Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan startap-ekosistem reytinqində mövqeyini yaxşılaşdırıb

Tarix: 22 Aprel 2019 09:48

Bakı. Ləman Zeynalova - Trend:

Azərbaycan "Startup Ecosystem Rankings 2019" reytinqində mövqeyini yaxşılaşdıraraq 67-ci yerdə qərarlaşıb.

Trend-in məlumatına görə, bu barədə "StartupBlink" dünya startaplar kartoqrafiya xidmətinin tərtib etdiyi reytinqdə deyilir.

Reytinq tərtib olunarkən 100 ölkə və 1000-dən çox şəhərdən məlumatlar nəzərə alınıb. Azərbaycan əvvəlki reytinqlə müqayisədə bir pillə yüksəlib.

Paytaxt Bakı isə öz növbəsində 55 pillə yüksələrək 302-ci yerdə qərarlaşıb.

Reytinq müəllifləri hesab edir ki, Azərbaycanda dəyəri qısa müddət ərzində milyard dollardan çox arta biləcək ilk startap 2025-ci ilədək peyda ola bilər.

Müəlliflər onu da bildirir ki, Azərbaycanın əsas məqsədi Bakının daha güclü regional qovşağa çevrilməsi və daha çox lokal ekosistemin yaradılması olmalıdır.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər