Aktual mövzular: Dollar alış-satışı, Məzənnə, Neftin qiyməti

"Elə biirdim, evlənəcəyik" - Emerini ittiham etdi

Tarix: 13 Aprel 2020 11:58

“Arsenal”ın sabiq baş məşqçisi Unai Emerinin keçmiş sevgilisi Saşa Rayt “The Sun” nəşrinə müsahibəsində şəxsi söhbətlərini açıqlayıb.

Qol.az xəbər verir ki, Rayt deyib ki, Emeri London klubundan qovulmasına görə onu günahlandırıb:

“Biz ayrıldığımız gündən “Arsenal” uduzmağa başladı. O deyirdi ki, mən ağ caduyam, ona çox uğursuzluq gətirmişəm. Unai deyirdi ki, biz ayrıldıqdan sonra çox həyəcanlanırdı və normal düşünə bilmirdi. O, hətta “Arsenal”dan qovulmağına görə məni günahlandırdı”.

Rayt Emerinin bir kişi kimi keyfiyyətləri barədə də danışıb: “Mən hesab edirdim ki, o, əsl centlmen, ailəcanlı biridir. Sonda başa düşdüm ki, bu adam ciddi münasibətlərə hazır deyil. Mən Unaiyə güvənirdim, hesab edirdim ki, evlənəcəyik, uşaqlarımız olacaq. O, həmişə futbola baxır və nəticələri yoxlayırdı. Bu, məni əsəbiləşdirsə də, onun işini qəbul edirdim. Ötən ilin sentyabrında isə bildirdim ki, daha bəsdir və beləcə, münasibətlərimizə son qoyduq”.