Aktual mövzular: Dollar alış-satışı, Neftin qiyməti, COP29, Hava proqnozu

Səhiyyə Nazirliyi: İndi maskaları hamının taxması tövsiyə edilir

Səhiyyə Nazirliyi: İndi maskaları hamının taxması tövsiyə edilir

Tarix: 20 Aprel 2020 13:09

Bakı. İlhamə İsabalayeva - Trend:

Əvvəl maskanın yalnız xəstələr tərəfindən istifadəsi deyilirdisə, indi hamının taxması tövsiyə edilir.

Bunu Trend-ə Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov deyib.

Onun sözlərinə görə, bununla bağlı təşviqat bütün dünya ölkələrində aparılır.

N.Seyidov qeyd edib ki, karantin tədbirləri yumşaldılsa belə, insanlar hələ bir müddət maskadan istifadə etməli və əllərin gigiyenasına əməl etməlidir:

"Koronavirus pandemiyası nə vaxt qurtaracaq bunu heç kim proqnoz verə bilmir. Ona görə də bu, hələ çox uzun müddət bizim həyatımızın normasına çevriləcək".

Qeyd edək ki, Ümumdünya Səhiyyə Təşkilatının Azərbaycandakı nümayəndələrinin rəhbəri Hande Harmancı da bildirib ki, bir il boyunca koronavirus gündəmdən çıxmayacaq:

"Koronavirus pandemiyasının hələ nə qədər davam edəcəyi ilə bağlı heç bir məlumat verə bilmərik. Ona görə də bu barədə dəqiq fikir bildirmək düzgün deyil. Çünki virusun yaranma səbəbləri də hələlik bəlli deyil".


Etiketlər:  Səhiyyə Nazirliyi İndi maskaları hamının taxması tövsiyə edilir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ