Son dörd ayda Çin ''COVID-19'' pandemiyasından nələr qazandı ?

Tarix: 30 Aprel 2020 21:16

Koronavirus pandemiyasının yaranma səbəbi hələ də qızğın şəkildə müzakirə olunmaqdadır. Bu müzakirə həm sıravi vətəndaşlar, həm də elm adamları arasında aparılır. Rəsmi qurumlar virusun təbii yolla yayıldığını desələr də, bəziləri koronavirusun bioloji silah olduğunu və hansısa qüvvələr tərəfindən hazırlandığını iddia edirlər. Müzakirələr davam edir, müxtəlif fikirlər irəli sürülür, lakin heç bir dövlət hələ də virusun əleyhinə vaksin tapa bilmir. Koronavirus bugünədək 3 milyondan çox insanın yoluxmasına, 211 mindən çox insanın ölümünə səbəb olub. Sərhədlər bağlanır, nəqliyyatın fəaliyyəti məhdudlaşdırılır. Güc dövlətlərində belə fövqəladə vəziyyət, xüsusi karantin rejimi davam edir. Ölüm sayı çoxalır, müzakirələr kəskinləşir. Müzakirələrdə səslənən fikirlərin çoxu geniş müzakirə olunaraq ittiham, tənqid, günahlandırma və kütləvi qınaq yaradır.

Sonxeber.net ted.az-a istinadən pandemiya ilə bağlı səslənən və qeyd olunan səbəbləri özündə əks etdirən rusiyalı mütəxəssis Yaroslav Bıxovskinin fikirlərini təqdim edir.

1. Çin yeni nəsil bioloji müharibəyə hazırlaşdı və bunu sınaqdan keçirmək üçün tədqiqat apararaq, bütün dünyaya master-klass keçdilər. Virus yaranma mənbəyi olduğu Çinə digər ölkələrdən daha az təsir göstərdi.

2. Sürətli və effektiv siyahıyaalma işləri apardılar.

3. Rəqəmsal diktaturanı daha da sərtləşdirdilər. Bütün sosial şəbəkə və kommunikasiya vasitələrini nəzarətə aldılar.

4. Ölkədə istədikləri şəxsin bütün sosial şəbəkələrinə nəzarət etmək üçün sistem yaratdılar. Vətəndaşla kiminlə kontakta olub, o kimin və ya hansı nəqliyyat vasitəsindən istifadə edib, kimlə ünsiyyət qurub və s.

5. Bütün qanunsuz mühacirləri müəyyənləşdirib əksəriyyətini ölkədən çıxardılar

6. Yumşaq rejimdə bir çox xarici vətəndaşı ölkədən çıxardılar. Bəzilərini özləri təxliyə etməyə çalışdılar, bəzilərini müəyyənləşdirərək nəzarət altına aldılar.

7. Bütün ölkənin kütləvi və kəskin şəkildə bloklanması mexanizmini işləyib hazırladılar.

8. Çinin nəyə qadir olduğunu bütün dünyaya göstərdilər:1,5 milyard insanı tam karantində saxlamaqla, qoruyucu maska geyindirməklə, eyni zamanda, bir həftə ərzində meqa xəstəxana tikməklə.

9. Bütün ölkəni gigiyena qaydalarına necə riayət etməli olduqlarını öyrətdilər

10. Vəhşi heyvanların qidada istifadəsini qadağan etdilər. Qeyd edək ki, bu yeməklər bir çox əyalət üçün normal idi.

11. Dünyanın Çindən necə asılı olduğunu hər kəsə nümayiş etdirdilər.

12. Bütün dünyada istehsal zəncirini donduraraq, Dünyanı böhrana yönəltidlər.

13. Hüquq mühafizə və digər nəzarət edici qurumlarda kütləvi dron və avtomatlaşdırılmış izləmə mexanizmindən istifadəni tətbiq etdilər.

14. Maska geyən insanların üzünü tanıma ilə videokameraların işləmə alqoritmləri təkmilləşdirildi, indi şəxsiyyətin tanınmasında da insanların müəssisələrə girişi üz bağlı olsa belə tanınacaq.

15. Malların avtomatik təhvil verilməsi üçün kütləvi və sürətli sistemlər yaratdılar.

16. Elektron konsentrasiya düşərgəsi sistemi hazırlandı.

17. Honq Konqdakı etirazlar dayandı və Çin hökumətinin o əraziyə təsiri artdı.

18. ƏSASƏN

Dünya virus böhranı ilə mübarizəni davam etdirərkən, Çin artıq bu vəziyyətdən çıxdı və bunları etməyə hazırdır:

- Daha ucuz aktivlər almaq

- Qlobal nüfuzunu artırmaq üçün maddi cəhətdən zəif dövlətlərə kömək etməyə

-Aşağı neft qiymətləri üzərində oynamağa

- Yeni ittifaqlar  yaratmaq.