Aktual mövzular: Dollar alış-satışı, Neftin qiyməti, COP29, Hava proqnozu

Muğanlı-İsmayıllı yolunu sel basıb, yüzlərlə avtomobil yolda qalıb - FOTO

Muğanlı-İsmayıllı yolunu sel basıb, yüzlərlə avtomobil yolda qalıb - FOTO

Tarix: 14 May 2020 19:42

Bu gün axşam saatlarında İsmayıllı rayonu ərazisinə yağan güclü leysan nəticəsində sel suları fəsadlar törədib.

Sonxeber.net APA-ya istinadən bildirir ki, bir neçə saat davam edən leysan yağışdan sonra dağlardan gələn sel Şamaxı-Muğanlı-İsmayıllı yolunun Diyallı və Talıstan kəndləri ərazisindən keçən hissəsində nəqliyyatın hərəkətində çətinlik yaradıb.

Magistral yoldakı su ötürücüləri lil və çöküntülərlə dolduğu üçün yolu sel basıb. Sel sularının dağlardan gətirdiyi iri daşlar, ağac kötükləri və lil qatı yolun bağlanmasına səbəb olub. Nəticədə Bakı-Şamaxı-İsmayıllı-Qəbələ-Şəki istiqamətində və geriyə hərəkət edən yüzlərlə avtomobil yolda qalıb. Sel suları avtomobillərin içərisinə dolub.

Hazırda İsmayıllı rayon yol-istismar idarəsinin texnikaları əraziyə cəlb olunub, yolun açılması və nəqliyyatın hərəkətinin bərpası üçün işlər görülür.


Etiketlər:  Muğanlı İsmayıllı yolunu basıb yüzlərlə avtomobil yolda qalıb FOTO


RƏYLƏR



Populyar Xəbərlər

XƏBƏR LENTİ