Aktual mövzular: Dollar alış-satışı, Neftin qiyməti, COP29, Hava proqnozu

Sağ olsam da yoldaşıma yeni həyat yoldaşı axtarırdım - Azərbaycanlı aparıcıdan etiraf

Sağ olsam da yoldaşıma yeni həyat yoldaşı axtarırdım - Azərbaycanlı aparıcıdan etiraf

Tarix: 16 May 2020 14:15

Teleaparıcı Zümrüd Qasımova səmimi etiraf edib.

Sonxeber.net ölkə.az-a istinadən bildirir ki, o, ATV kanalında yayımlanan "Bizimləsən"  verilişində qonaq olarkən  9 il əvvəl keçirdiyi ağır xəstəliyindən söz açıb. Aparıcı o illərdə keçirdiyi çətin günlərindən danışıb.

"Mənim seçimim vardı ki, ana olum. Ancaq mən buna razı olmadım. Çünki, mənim xəstəliyim elə bir xəstəlik idi ki, irsi  ona keçə bilərdi. Necə ki, mən bu xəstəlik dönəmində anama "mən niyə doğuldum?" sualıni verirdim, istəmədim ki, gələcəkdə övladım mənə bu sualla müraciət etsin. Həm də düşündüm ki, mənə nəsə olar, sağalmaram. Onu başqalarının ümidinə buraxmaq istəmədim",- deyə o, bildirib.

Daha sonra Z. Qasımova öləcəyini düşünərək, həyat yoldaşı üçün yenidən ailə qurmaq üçün xanım axtardığını da deyib.

"Mən sizə bir etiraf edim. Xəstə olduğum zaman, həyat yoldaşıma deyirdim ki, "gəl, mən sağ ikən sənə bir xanım axtarım, məndən sonra tənha qalmayasan". Onu evləndirmək istəyirdim. İstəmirdim ki, məndən sonra yalnız qalsın",- deyə o, etiraf edib.

Qeyd edək ki, Zümrüd Qasımova uzun illər xərçəng xəstəliyindən əziyyət çəkib.


Etiketlər:  Sağ olsam yoldaşıma yeni həyat yoldaşı axtarırdım Azərbaycanlı aparıcıdan etiraf


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ