Aktual mövzular: Dollar alış-satışı, Neftin qiyməti, COP29, Hava proqnozu

Avropanın daha bir ölkəsində çempionata erkən yekun vuruldu

Tarix: 20 May 2020 10:24

Uels Futbol Assosiasiyası koronavirusa görə dayandırılan milli çempionata yekun vurulması haqda qərar qəbul edib.

Sonxeber.net sport24.az-a istinadən xəbər verir ki, bu barədə qurumun rəsmi saytı məlumat yayıb.

Federasiyanın bayrağı altında keçirilən dörd liqanın hamısında mövsümə vaxtından əvvəl yekun vurulduğu açıqlanıb. Klublar fərqli sayda oyun keçirdiyi üçün onların topladığı xallar orta hesabla sayılıb.

Yüksək Liqada "Konnas Kuey" 26 turdan sonra 56 xalla birinci olub və çempion elan edilib. Bu, klubun tarixində ilk çempionluğudu. Çempion olduğu üçün bu klub Uelsi UEFA Çempionlar Liqasında təmsil etmək hüququ qazanıb. 2-ci və 3-cü yerləri tutan TNS və "Bala Taun" klubları Avropa Liqasında mübarizə aparacaq.

Qeyd edək ki, bundan əvvəl Avropa ölkələrindən Fransa, Belçika, Cəbəllütariq və Şotlandiyada liqaya yekun vurulmuş, Niderlandda isə mövsüm ləğv edilmişdi.

Whatsapp ilə göndər