Aktual mövzular: Dollar alış-satışı, Neftin qiyməti, COP29, Hava proqnozu

Kompüter alqoritmi kino ulduzlarının gələcək uğurunu proqnozlaşdıracaq

Tarix: 10 Iyun 2019 15:16

Londonun Kraliça Mariya Universitetinin alimlər qrupu bu və ya digər kino ulduzlarının gələcək uğurunu proqnozlaşdıran xüsusi alqoritm yaradıblar.

“ICTnews” Elektron Xəbər Xidməti “Planet Today” resursuna istinadən yazır ki, kompüterin aktrisa və aktyorlarla bağlı nəticələr çıxara bilməsi üçün tədqiqatçılar tərəfindən neyroşəbəkəyə kino sənayesinin 2,5 milyon işçisinin profili yüklənilib. Alqoritm məhz onun əsasında kino ulduzlarının uğurunun analizini aparıb.

Bundan başqa, kompüter kino ulduzlarının fəaliyyəti haqqında bir sıra maraqlı faktlar aşkarlayıb. Məsələn, onlardan biri aktyorların yeni layihə axtarışında olduğu məqama aiddir.

Məlum olub ki, həyatın bu anlarını aktrisalar kişi həmkarlarından daha çətin keçirirlər. Kişilər uzunmüddətli fəaliyyətsizlikdən tez özünə gələrək işi davam etdirdikləri halda kino sənayesinin qadın nümayəndələri ideal rol axtarışını davam etdirərək çoxlu vaxt itirirlər.

Bundan əlavə, alqoritm aktyor və aktrisalar üçün “qızıl illər”in fərqli olmasını müəyyənləşdirib. Kişilərdə bu müddət daha gec başlayır. Qadınlar isə gənc yaşlarında daha çox rol təklifləri alırlar.

Nizam Nuriyev

Whatsapp ilə göndər