Aktual mövzular: Dollar alış-satışı, Məzənnə, Neftin qiyməti
Tarix: 22 Iyun 2020 20:40
Real Madrid-in kapitanı Serxio Ramos İspaniya çempionatı tarixinin ən çox qol vuran müdafiəçisi olub.
Milli.Az goal.az-a istinadən xəbər verir ki, o, son olaraq La Liqanın 29-cu turunda Real Sociedad-la matçda (2:1)penaltidən fərqlənərək ölkə çempionatında indiyə kimi vurduğu qolların sayını 68-ə yüksəldib. Bununla da, 34 yaşlı müdafiəçi Barcelona-nın sabiq futbolçusu Ronald Kumanı (67 qol) geridə qoyaraq İspaniya çempionatı tarixinin ən çox qol vuran müdafiəçisi olub.
İspaniyanın çempionatının ən yaxşı bombardir-müdafiəçiləri:
1. Serxio Ramos (Real Madrid) - 68 qol (12 - penalti ilə)
2. Ronald Kuman (Barcelona) - 67 (46)
3. Fernando Yerro (Real Madrid) - 51 (19)
4. Roberto Karlos (Real Madrid) - 46 (2)
5. Pirri (Real Madrid) - 45 (16)
Milli.Az