Aktual mövzular: Dollar alış-satışı, Neftin qiyməti, COP29, Hava proqnozu

“Lenovo ThinkVision M14t” monitoru sensorlu idarəetməni dəstəkləyir

“Lenovo ThinkVision M14t” monitoru sensorlu idarəetməni dəstəkləyir

Tarix: 8 Iyul 2020 10:30

“Lenovo” şirkəti portativ kompüterlərlə birlikdə istifadə üçün nəzərdə tutulan “ThinkVision M14t” portativ kompüterini nümayiş etdirib.

 

“ICTnews” Elektron Xəbər Xidməti “3DNews” resursuna istinadən yazır ki, panelin ölçüsü 14 düym diaqonala bərabərdir. Həmçinin 1920 × 1080 piksel təsvir ölçülü “Full HD” matrisası tətbiq edilib. Parlaqlıq 300 kandel/kvadratmetr təşkil edir.

 

Monitor sensorlu idarəetməni dəstəkləyir. Displeylə həm barmaq, həm də xüsusi qələm vasitəsilə işləmək mümkündür. Birinci halda eyni anda 10-dək toxunmanın tanınması, ikincidə isə 4096-dək basılma gücü dəstəklənir.

 

Paneldən albom və portret istiqamətlərində istifadə etmək olar. Xüsusi altlıq qurğunu rahat bucaq altında yerləşdirməyə və ya masa üzərinə horizontal şəkildə qoymağa imkan verəcək.

 

Yeni qurğunun çəkisi 698 qram təşkil edir. İki “USB Type-C” simmetrik portu nəzərdə tutulub. “TÜV Rheinland Low Blue Light” texnologiyası uzunmüddətli iş zamanı gözlərin yorğunluğunu azaltmağa kömək edəcək.

 

Sentyabrda satışa çıxarılacaq “Lenovo ThinkVision M14t” portativ sensor monitorun təxmini qiyməti 450 dollara bərabərdir.

 

Nizam Nuriyev




Etiketlər:  Lenovo ThinkVision M14t monitoru sensorlu idarəetməni dəstəkləyir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ