Aktual mövzular: Dollar alış-satışı, Neftin qiyməti, COP29, Hava proqnozu

Rəsmi Moskva azərbaycanlılarla ermənilər arasında ticarət sahəsində yaşanan problemə münasibət bildirdi

Tarix: 20 Iyul 2020 14:33

Rusiya ümid edir ki, Azərbaycan və Ermənistan sərhədindəki vəziyyət mümkün qədər tez həll ediləcək və bu münaqişə ətrafındakı emosional vəziyyət normala dönəcək.

Sonxeber.net Trend-ə istinadən bildirir ki, bunu Kremlin mətbuat katibi Dmitri Peskov bildirib.

Münaqişənin Moskvada ticarət sahəsinə təsiri barədə məlumatlara münasibət bildirən Kremlin sözçüsü vurğulayıb ki, Rusiya vətəndaşı olan həm ermənilər, həm də azərbaycanlılar Rusiya cəmiyyətinin hörmətli üzvləridir, lakin aydındır ki, Azərbaycan-Ermənistan sərhədində eskalasiyanın artması bu şəxsləri laqeyd qoya bilməz:

"Ümid edirik ki, bu vəziyyət ən qısa zamanda həll ediləcək və bununla da emosional fon da normal vəziyyətə qayıdacaq".

Whatsapp ilə göndər