''Bu il 66 peşə təhsil müəssisəsi üzrə qəbul həyata keçiriləcək''

Tarix: 20 Avqust 2020 14:24

Bu il 66 peşə təhsil müəssisəsi üzrə qəbul həyata keçiriləcək.

Sonxeber.net Trend-ə istinadən bildirir ki, bunu Peşə Təhsili üzrə Dövlət Agentliyinin direktoru Pərviz Yusifov deyib.

Onun sözlərinə görə, burada əsas məqamlardan biri işəgötürənlərin prosesə cəlb olunmasıdır:

"Peşə təhsili ilə bağlı 25-ə yaxın proqram elan olunub. İşəgötürənlər bu prosesə cəlb olunub. Peşə təhsili ilə bağlı proqram hazırlanarkən işəgötürənlərlə əlaqə qurulub, onlar bu prosesdə iştirak ediblər. İşəgötürənlər peşə təhsili alan şəxslərin imtahanlarla da yaxından tanış olacaqlar.

Artıq peşə təhsilinə maraq çox böyükdür. Yeni müəssisələrin yaradılması bu marağı daha da artırır. Artıq bəzi müəssisələr üzrə qəbul planı 100 faiz dolub. Bu, bizim qarşımıza qoyulan tələbi də artırır və biz bu prosesə yeni işəgötürənləri də cəlb etmək üçün işlər aparırıq".