Hər şeyi bilən “IBM Watson”ın gələcək proqnozları

Tarix: 23 Avqust 2020 23:48

25 il əvvəl dünyadakı hər kəsin gələcəkdə bir-biri ilə birbaşa ünsiyyət quracağını proqnozlaşdırdı və haqlı çıxdı. Qeyd olunan gələcək indi yaşanır. Texnologiya və bu mənbə ilə əldə edilən data müştərilərinizin hər birinin ehtiyaclarını ətraflı şəkildə anlamağınızı təmin edir. Hiper fərdiləşmə tendensiyası artdıqca süni intellekt də əlaqədar məzmunu vaxtında lazımi insanlara çatdırmaqda daha da səriştəli olur. Fərdiləşdirmə seçim olmaqdan çıxıb, məcburiyyətə çevrilən funksiyalardan biri halına gəlib. Bəs nədir bu fərdiləşdirmə? Bu sualı 10 il əvvəl soruşsaydınız çox güman ki, cavab: təqdim olunan xidmətin başına potensial müştərilərin adının və ünvanının yerləşdirilməsi ilə məhdudlaşardı. Ancaq artıq fərdiləşdirmə bu gün fərqli bir mərhələyə çatıb. Hazırki mərhələdə; fərdiləşdirilmiş marketinq strategiyaları daxilində fərqli şəxslərə müxtəlif kampaniyalar təqdim edə bilir.

Rəqabət üstünlüyü olaraq fərdiləşdirmə

Milli.Az facemark.az-a istinadən bildirir ki, rəqabətin gedərək artdığı bir ekosistemdə fərdiləşdirilmiş məzmun və təcrübə sizi rəqiblərinizdən ayıran yeganə şey ola bilər. Infogroup-un 2019-cu ildəki araşdırmasına görə, Amerikan internet istifadəçilərinin 44%-i heç düşünmədən müştərisi olduqları markaları fərdiləşdirilmiş xidmət təqdim edən başqa bir marka ilə dəyişdirə bilər.

Adobe-nin gerçəkləşdirdiyi bir başqa araşdırmaya görə qeyd olunur ki, Amerikan rəqəmsal cihaz istifadəçilərinin 51%-i fərdiləşdirilmiş məzmunla qarşılaşmalarının ardından satınalma qərarını verməyə daha yatqın olurlar. Bəs, marketoloqlar müştərilərinin gözlədiyi fərdiləşdirilmiş təcrübəni təqdim etməkdə nə qədər uğurludurlar? Qarşılaşdıqları problemlər nələrdir? Hansı taktika və vasitələrdən istifadə edirlər?

Adweek Intelligence və IBM Watson Advertising, bu sualların cavabı ilə yanaşı qurumların fərdiləşdirilmiş təcrübələrə olan yanaşmalarını öyrənmək üçün 202 B2C marketoloqun onlayn sorğulara qatılımı ilə 2020-ci ilin fevral və mart aylarında "Marketinqdə Fərdiləşdirmənin Vəziyyəti" (The State of Marketing Personalization) adlı araşdırmanı həyata keçirdilər.

Professional marketoloqlardan ibarət olan araşdırma iştirakçılarından fərdiləşdirmənin tərifi soruşuldu: 39%-i ilk olaraq fərdiləşməni sosial-iqtisadi vəziyyətə uyğun marketinq çərçivəsində istifadəçilərə uyğun mesajların göndərilməsi kimi tərif verdi. İştirakçıların 20%-i isə fərdiləşdirməni müştərilərin data və satınalma istiqamətini nəzərə alaraq dəyərləndirdi.

Şübhəsiz ki, fərdiləşdirmə hazırda heç bir zaman olmadığı qədər önəm qazanıb. Araşdırmada iştirak edən marketoloqların 75%-i fərdiləşdirmənin qurumların uzun müddətli və istiqrarlı uğurlarında mühüm rol oynadığını qeyd etdi.

Ancaq hər yenilik, özü ilə bərabər çətinlikləri və maneələri də gətirir. Bu maneələri iki başlıq altında toplamaq olar: data və strategiya. Fərdiləşdirmə istifadəçi datalarının təhlükəsiz və dolğun şəkildə toplanmasına əsaslanır. Müştərilərinizin kim olduğu ilə bağlı dəqiq bir təsəvvürünüz yoxdursa, hər birinin özünəməxsus, bənzərsiz səyahəti haqqında məlumat əldə edə bilməzsiniz. Ancaq tam olmayan və parçalanmış data müştərilərinə fərdiləşdirilmiş təcrübə təqdim etməyə çalışan marketoloqlar üçün ən böyük maneədir. Fərdiləşdirməni həyata keçirmək üçün düzgün vasitələrdən istifadə etmək çox önəmlidir. Bir çox marketoloqlar üçün bu vasitə CDP (Customer Data Platform)-dir. Tədqiqat iştirakçılarının fikrincə, marketoloqların 56%-i CDP alətindən istifadə edir və 28%-i yaxın 12-24 ay ərzində bu texnologiyaya sahib olmağı planlaşdırır. Eynilə, iştirakçıların 46%-i rəqəmsal təcrübənin optimallaşdırılmasına üstünlük verir, 39%-i isə yaxın 2 ildə bu sahəyə diqqət ayıracağına ümid edir.

Fərdiləşdirmə prosesinin böyük bir hissəsi marketoloqun öhdəsində olsa da, real və davamlı müvəffəqiyyət hər şöbənin harmonik şəkildə işləməsindən asılıdır. Uğurun bu düsturu başqa bir maneəni də özü ilə gətirir. İştirakçıların 28%-i qurumdakı strateji əskikliyi üzləşdikləri ciddi problemlərdən biri kimi müəyyənləşdirir.

Haqsız da deyillər; Ətraflı fərdiləşdirmə strategiyasının əhəmiyyətini nə qədər qeyd etsək az olar. Araşdırmaya qatılan qurumlar arasında dəqiq fərdiləşdirmə strategiyasına sahib olanlarla olmayanlar arasında fərq diqqətə alınmayacaq kimi deyil. Məsələn, datanı dəyərli şəkildə istifadə etməyi bacaran və beləliklə rəqabətdə önə keçənlərin nisbəti: dəqiq strategiyası olanlar üçün 63 faiz, strategiyası olmayanlar üçün 16 faizdir.

Fərdiləşdirmə hazırda bir çox marketoloqun hədəfləri arasındadır: ancaq bir o qədəri də bu anlayışı boş hesab edir.

Halbuki, hər tərəfli düşünülmüş strategiya və data analizi ilə yola çıxanlar üçün fərdiləşdirilmiş gələcəyin önündə duran heç bir əngəl yoxdur.

Milli.Az