Xiaomi hərəkətli kameraya malik olan telefonlar üzərində işləyir

Tarix: 27 Avqust 2020 21:56

Xiaomi-nin yeni bir patenti LetsGoDigital vasitəsi ilə təqdim olundu. Bu patentə əsasən, Xiaomi şirkəti genişbucaqlı kameralarda görüntünün pisləşməsinin qarşısını almaq üçün yeni bir həll yollu təklif edir.

Sonxeber.net ted.az-a istinadən bildirir ki, dar bucaqlı kameradan istifadə edilərək kameralar hərəkətə gətirilə bilər.

Smartfon kamera modulları hər ötən gün daha da yaxşılaşır. Ancaq bu kamera cihazlarında bəzi problemlər var ki, onlardan biri də ultra genişbucaqlı kameralarda qarşılaşdığımız keyfiyyətin pisləşməsidir. Xiaomi son patenti ilə bu vəziyyətin qarşısını alacaq.

Xiaomi-nin patentinə əsasən daşınan kamera modulu kamera istifadə edilmədiyi zaman telefonun korpusuna bitişik oturur. İstifadəçi telefonunun kamerasını açdıqda və geniş bucaq rejiminə keçəndə bu modul kənarlara doğru uzanır və genişbucaqlı görüntünü hədəfləyə bilir.

Yeni patentin gələcəyi hazırda qeyri-müəyyəndir. Şirkət bu smartfonu real məhsula çevirə yaxud patenti tarixin tozlu rəflərinə də qoya bilər.