Aktual mövzular: Dollar alış-satışı, Neftin qiyməti, COP29, Hava proqnozu

Hövsan Dəniz Limanında faciə - 31 yaşlı fəhlə konteynerin arasında qalıb öldü

Tarix: 29 Iyun 2019 10:02

Bakı. Samir Əli - Trend:

Bakıda dəniz limanında ölüm hadisəsi baş verib.

Trend-in məlumatına görə, hadisə Hövsan Dəniz Limanında baş verib.

"Hestinq-İnterprayz Corporation" şirkətin Azərbaycanda fəaliyyət göstərən nümayəndələri tərəfindən Gürcüstandan Qazaxıstana dondurulmuş toyuq budları göndərərkən Hövsan Dəniz Limanında konteynerlərin kranla gəmiyə yüklənməsi zamanı orada fəhlə işləyən, 1988-ci il təvəllüdlü Bünyadov Ədalət Məhəmmədfüzuli iki konteynerin arasında sıxılmış vəziyyətdə qalıb.

Ə. Bünyadov aldığı xəsarətlərdən hadisə yerində dünyasını dəyişib.

Faktla bağlı Suraxanı rayon Prokurorluğunda Cinayət Məcəlləsinin 162.2-ci (Əmək mühafizəsini qaydalarını pozma, ehtiyatsızlıqdan insan ölümünə səbəb olduqda) maddəsi ilə cinayət işi başlanıb.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər