Aktual mövzular: Dollar alış-satışı, Məzənnə, Neftin qiyməti

“Qualcomm” şirkəti smartfonlar üçün səs azaldıcı xüsusiyyətə malik “Snapdragon 750G” çipini nümayiş etdirib

Tarix: 23 Sentyabr 2020 13:30

"Qualcomm" şirkəti orta qiymət diapazonuna malik smartfonlar üçün yeni çipsetini nümayiş etdirib. "Snapdragon 750G" prosessoru ilə təchiz edilmiş cihazlar 2020-ci ilin sonunadək satışa çıxarılacaq.

"ICTnews" Elektron Xəbər Xidməti "ria.ru" saytına istinadən yazır ki, çipsetə güclü süni intellekt alqoritmləri sistemi quraşdırılıb. Bunun sayəsində ətrafdakı səs-küyü ayırd etmək mümkündür. "Qualcomm" şirkətinin nümayəndəsi bildirib ki, süni intellekt inşaatdakı səs-küyü, it hürməsini və ya uşaq ağlamasını ayırd edərək onların səsini azalda bilir.

Çipset yeni "Adreno 619" videosürətləndiricisi ilə təchiz edilib ki, bu da "Snapdragon 730G" ilə müqayisədə oyunlarda məhsuldarlığı 10% artıracaq. Platforma "mmWave" yüksəksürətli standartı daxil olmaqla beşinci nəsil şəbəkələrində işləyir. "Snapdragon 750G" çipi sayəsində orta sinif smartfonlarında yeni "Wi-Fi 6" və "Qualcomm Quick Charge 4 " sürətli enerjidoldurma texnologiyası əlçatan olacaq.

Emil Hüseynov

Whatsapp ilə göndər